Ekipamentu-toos (hardware)

Ekipamentu-toos (hardware) komputador no nia funsaun.

Hanesan ita hatene katak komputador iha parte importante 3, mak hanesan : software, ekipamentu-toos (hardware) no brainware. Operasaun komputador sei la'o ho diak wainhira komponenti 3 ne'e hala'o nia funsaun ho diak. Tuir lójika komputador iha deit prosesu servisu 3, mak hanesan : dadus tama (input data), prosesamentu dadus (data processing) no dadus sai (output data).

Entaun, definisaun husi ekipamentu-toos (hardware) mak saida?. Hardware mak komponenti husi mákina komputador ne'ebe mak ita bele haree no kaer, ne'ebe mak ho nia funsaun atu suporta prosesu komputerizasaun.

Hardware sei hala'o nia funsaun wainhira iha instrusaun ne'ebe mak programa ona iha nia laran, ka ita bele bolu dehan instruction set. Ho instrusaun ne'ebe mak iha, hardware  bele hatene no hala'o nia servisu tuir instrusaun ne'ebe mak foo ba nia.

Haree husi fíziku, komputador halo husi komponenti lubuk ida atu hodi sai hanesan sistema ida. Ho ida ne'e, wainhira komponenti ida mak falla, bele afeta ba prosesu sira houtu iha sistema komputador laran. Haree husi nia funsaun, ekipamentu-toos (hardware) komputador nian fahe ba:

1. Input device (unidade tama)
2. Process device (unidade prosesu)
3. Output device (unidade sai)
4. Backing Storage (unidade rai/salva)
5. Periferal  (unidade aumenta)

Komponenti báziku iha komputador maka input (tama), process (prosesu), output (sai)  no storage (rai/salva). Unidade tama (input device) mak hanesan keyboard no mouse. Unidade proses (process device) mak microprocessor (ALU, Internal Communication, Registers no control section). Unidade sai (output device) mak hanesan monitor no impresora. Unidade rai/salva memoria esternu mak hanesan harddisk, Floppy drive, CD ROM, Magnetic tape. Unidade rai/salva memoria internu mak hanesan RAM no ROM. Enkuantu komponenti unidade aumenta (peripheral device) mak hanesan komponenti aumenta ka komponenti ne'ebe mak laiha antes. Ezemplo komponenti aumenta (peripheral device) mak hanesan : TV Tuner Card, Modem, Capture Card.

1. Input device (unidade tama)

Unidade ida ne'e nia funsaun hanesan media ida ne'ebe mak atu hatama dadus ba iha komputador no dadus ne'e sei ba iha memoria no CPU atu hodi bele prosesa hodi foo informasaun ne'ebe mak precisa. Input device (unidade tama) baibain uza iha komputador personal (personal komputer) mak keyboard no mouse. Keyboard no mouse  mak hanesan unidade ida ne'ebe mak halo ligasaun husi uzuario ba komputador. Iha parte seluk, iha mós joystick,ne'ebe mak uza atu hodi halima game. Depois scanner, nia funsaun atu hodi halo  figura sai hanesan figura dijital. Touch panel, iha ne'e uzuario bele lamas ho liman fuan atu bele asesu ba iha prosesu ruma. Microphone, atu grava ita nia lian ba iha komputador laran. 

Dadus ne'ebe mak hatama ba iha sistema komputador laran bele hanesan sinal tama (input signal) no maintenance input.

Saida mak sistema operasaun?

Sistema Operasaun

Sistema operasaun mak hanesan buat ida ne'ebe mak halo ligasaun iha klaran husi ema ne'ebe mak uza komputador no ekipamentu-toos (hardware) komputador nian. Antes sistema operasaun ne'e iha, ema uza ona komputador ho deit sinal analog no sinal digital. Akompaña ho dezenvolvimentu koñesimentu no téknolojia, iha tempo agora iha variedade sistema operasaun ne'ebe mak ho idaidak nia vantajem. Atu bele kompriende diak liu tan kona-ba sistema operasaun, preciza hatene uluk kona-ba konseitu-konseitu báziku sistema operasaun ne'e rasik.

Sistema operasaun nia signifikadu jeral mak hanesan atu jere rekursu houtu ne'ebe mak iha sistema komputador nian no oferese servisu lubuk ida (system calls) ba uzuario atu nune'e fasil no seguru wainhira ita uza no mós utiliza rekursu houtu iha sistema komputador.

1. Funsaun Báziku.

Báziku husi sistema komputador mak fahe ba komponenti principal 4, mak hanesan ekipamentu-toos (hardware), programa aplikasaun, sistema operasaun, no uzuario. Sistema operasaun nia funsaun mak atu regula no fiskaliza utilizasaun ekipamentu-toos (hardware) husi varias programa aplikasaun no mós uzuario sira houtu.

Sistema operasaun nia funsaun hanesan mós governu iha estadu ida nia laran, ho signifikadu ida katak hala'o komputador para programa sira bele la'o ho loos. Atu hasees husi konflitu ne'ebe mak bele akonstese wainhira uzuario sira uza rekursu ne'ebe mak hanesan, sistema operasaun mak sei hatudu uzuario ida ne'ebe mak bele asesu ba rekursu ne'ebe iha. Sistema operasaun mós ita bolu dehan resource allocator. Funsaun importante ida tan sistema operasaun nian mak hanesan kontrolador ne'ebe mak ho objetivo ida katak atu hasees husi hahalok maksalak (error) no utilizasaun komputador ne'ebe mak la precisa.

2. Istoria Sistema Operasaun.

Matenek nain ida ho naran Tanenbaun hato'o katak, sistema operasaun iha dezenvolvimentu ida ne'ebe mak maka'as tebes, ne'ebe mak fahe ba jerasaun 4 :

- Jerasaun dahuluk (1945-1955)

Jerasaun ba dahuluk ida ne'e hanesan inisiu husi dezenvolvimentu sistema komputador eletróniku atu hodi troka sistema komputador mekánika, kauza ida ne'e tamba ema sura ho lalais oituan liu no mós ema fasil halo sala. Iha jerasaun ida ne'e seidauk ha sistema operasaun, maka sistema komputador tenki fó servisu loos.

- Jerasaun daruak (1955-1965)

Jerasaun daruak ne'e komesa introduz ona Batch Processing System, ne'e mak servicu ne'ebe hala'o iha koneksaun ida nia laran, depois hala'o ezekusaun ho sekuensial. Iha jerasaun ida ne'e mós seidauk uza sistema operasaun, maibe funsaun sistema operasaun lubuk ida iha ona, ezemplo funsaun sistema operasaun mak FMS no IBSYS.

- Jerasaun datoluk (1965-1980)

Iha jerasaun ida ne'e dezenvolvimentu sistema operasaun dezenvolve atu serbí ba uzuario barak dala ida, ne'ebe mak uzuario hala'o komunikasaun interactivo liu husi ternimal ho dalan on-line ba iha komputador, maka sistema operasaun sai hanesan multi-user (uzario barak ne'ebe mak uza) no mós multi-programming (fó servisu ba programa barak dala ida).

- Jerasaun dahaat (depois tinan 1980)

Agora dadaun, sistema operasaun utiliza ba rede komputador ne'ebe mak uzuario sente katak komputador agora iha ligasaun ba malu. Iha tempo ida agora uzuario mós sei sente konfortavel ho Graphical user interface ne'ebe mak interface komputador ho baze gráfiku ne'ebe mak konfortavel., iha tempo agora mós hanesan ona era komputerizasaun ne'ebe mak komputador la'os deit ona tau iha fatin ida, maibe iha mós iha fatin barak, ho ida ne'e ezekusaun servicu sai diak liu tan.

3. Rezumu.

Dezenvolvimentu sistema operasaun liu ona tinan 40 ho objetivu rua. Dahuluk, sistema operasaun koko atu haloos atividade komputador nian atu garante utilizasaun sistema komputador ne'ebe mak loos. Daruak, fornese area ne'ebe mak konfortavel atu dezenvolve no hala'o programa.

Software hanesan assembler, loader, linker no compiler aumenta konfortu husi sistema programasaun, maibe mós precisa tempo atu set-up halo barak. Atu hamenus tempu set-up ne'e, uza servisu operador no kombinasaun tarefa ne'ebe mak hanesan (sistem batch). Sistem batch fo licensa atu halo lista tarefa automátiku utiliza sistema operasaun ne'ebe mak rezidente no fó espasu bo'ot ba utilizasaun komputador. Komputador la precisa ona operasaun husi uzuario. Maibe utilizasaun CPU ki'ik nafatin. Kauza ida ne'e tamba ekipamentu I/O ne'ebe mak la'o neneik liu duke velosidade CPU. Operasaun off-line husi ekipamentu ne'ebe mak neneik ho objetivo atu utiliza sistema reader-to-tape lubuk ida no tape-to-printer ba CPU ida.

Atu aumenta kapasidade husi sistema komputador, ema revelador sira introduz konseitu multiprogramming. Ho multiprogramming, tarefa balun salva ka rai iha memoria iha tempu ida; utilizasaun CPU troka malu ho ida ne'e aumenta utilizasaun CPU no hamenus total tempu ne'ebe mak precisa atu hakotu tarefa sira ne'e. Multiprogramming, ne'ebe mak halo atu aumenta kapasidade, no mós fo licensa ba time sharing. Sistema operasaun ne'ebe natural time-shared fó licensa ba uzuario barak atu utiliza komputador ho interactivo iha tempo ne'ebe mak hanesan.

Saida mak komputador?

Hori uluk kedas, prosesamentu dadus ema halo ona. Ema komesa deskobre ona ekipamentu mekániku no eletróniku atu hodi ajuda ema atu sura no halo prosesamentu dadus atu hetan resultadu lalais liu. Komputador hotuhotu ne'ebe mak ita kaer no haree agora mak hanesan evolusaun ida ne'ebe mak naruk tebes husi deskobrimentu ekipamentu mekániku no eletróniku husi ema sira uluk ninian.

Komputador agora dadaun iha kapasidade ne'ebe mak la'os deit atu sura hanesan matemátika baibain, maibe bele uja atu hodi halo tan servicu seluk ne'ebe kompleksu liu tan.

Istoria komputador tuir períodu ninian :

- Mákina sura tradisional no kalkulador mekánika.

- Komputador jerasaun dahuluk

- Komputador jerasaun daruak

- Komputador jerasaun datoluk

- Komputador jerasaun dahaat

- Komputador jerasaun dalimak

1. Jerasaun komputador dahuluk (1946-1959).

Ho akontesimentu funu mundiál daruak, nasaun sira ne'ebe mak involve iha funu ida ne'e esforsu an atu dezenvolve potensia ne'ebe mak komputador iha. 

Ho ida ne'e aumenta orsamentu para atu dezenvolve komputador no atu aselera progresu komputador nian.

(1) Colassus
(2) Mark I
(3) ENIAC
(4) EDVAC
(5) UNIVAC I

Karaterístika komputador jerasaun dahuluk nian mak hanesan tuir mai ne'e :

• Uja tubu vákuu/Vacuum tube (komputador iha tempu ne'eba ho tamaño bo'ot deit)
• Uja cilindro magnétiko/magnetic cylinder atu salva ka rai dadus.
• Instrusaun operasaun halo ho espesífiku atu halo servisu ruma.
• Komputador ida-idak iha kódigu biner ne'ebe mak la hanesan ne'ebe mak ita bolu dehan "lian mákina" (machine language). Ho ida ne'e susar oituan atu halo programa iha komputador no limite nia velosidade.

2. Jerasaun komputador daruak (1959­ – 1964)

Stretch no LARC.

Mákina dahuluk ne'ebe mak utiliza teknolojia foun ida ne'e mak hanesan supercomputador. IBM halo supercomputador dahuluk ho naran Stretch, no Sprery­ Rand halo komputador ho naran LARC. Komputador sira ne'e dezenvolve atu uja ba iha laboratóriu enerjia atômica nian, bele manipula dadus barak, kapasidade ida ne'ebe mak investigador atômica sira precisa tebes. Mákina ida ne'e karu no kompleksu tebes ba necesidade komputasaun negósiu ninian.
Iha deit komputador LARC rua mak monta no uja: ida iha Lawrence Radiation Labs iha Livermore, California, no ida seluk iha US Navy Research and Development Center iha Washington D.C. Komputador jerasaun daruak troka "lian mákina" (machine language) ba iha "lian montajem" (assembly language). "Lian montajem" (assembly language) mak hanesan lian ida ne'ebe mak uja abreviatura hodi troka kódigu biner.

Iha inicio tinan 1960, komesa mosu komputador jerasaun daruk ne'ebe mak susesu iha área negósiu nian, iha universidade no mós iha governu. Komputador jerasaun daruka ne'e totalmente uja tranzistór. Komputador ida ne'e mós uja komponente sira ne'ebe bele halo asosiadu ho komputador sira agora nian: impresora, salva ka rai iha disko, memoria, sistema operasaun no mós programa.


Karaterístika komputador iha jerasaun daruak :

• Tamaño ki'ik tamba uja tranzistór.
• Dezenvolvimentu iha memoria núkleu magnétiku nian hodi ajuda dezenvolvimentu komputador jerasaun daruak ho tamaño ki'ik, lalais, bele ekonomiza enerjia duké jerasaun dahuluk.
• Troka husi lian mákina (machine language) ba iha lian montajem (assembly language).
• Mosu lian programasaun COBOL no FORTRAN.
   

3. Komputador jerasaun datoluk (1964­ – 1970).

Maski tranzistór iha buat barak ne'ebe mak diak liu tubu vákuu/Vacuum tube, maibe tranzistór hamosu manas maka'as tebes, iha potensia bele estraga parte internal komputador ninian. Fatuk quartzo (quartz rock) mak sei halakon problema ida ne'e. Jack Kilby, enjeñeiru ida husi instrumentu Texas ninian, dezenvolve sirkuito integradu (IC : integrated circuit) iha tinan 1958. Sirkuito integradu (IC) halo kombinasaun entre komponente eletróniku iha disku silício (silicon disc) ki'ik ne'ebe mak halo husi raihenek quartzo (quartz sands).


Depois husi ida ne'e, matenek nain sira konsege hatama komponente barak ba iha úniku chip ida ne'ebe mak ita bolu dehan semikonduktor. Resultadu, komputador ho tamaño ki'ik tan deit tamba komponente hothotu hatama iha chip  ida deit. Progresu seluk husi komputador jerasaun datoluk mak uza sistema operasaun (operating system) ne'ebe mak permiti mákina hala'o programa oioin ne'ebe mak lahanesan dala ida deit ho programa principal ida ne'ebe mak halo monitorizasaun no koordena ho memoria komputador ninian.

Karaterístika komputador iha jerasaun datoluk nian: 

• Uza sirkuito integradu (IC : integrated circuit).
• Tamaño komputador ki'ik.
• Uza sistema operasional.

4. Jerasaun komputador dahaat (1979 - agora).

Depois halo tiha sirkuito integradu (IC : integrated circuit), objetivu dezenvolvimentu sai klaru liu tan, mak hanesan: halo ki'ik liu tan sirkuito no komponenti elétriku. Large Scale Integration (LSI), bele karega atus ba atus komponenti eletróniku iha chip ida nia laran. Iha tinan 1980, Very Large Scale Integration (VLSI), karega rihun ba rihun komponente iha chip úniku ida mesak. Ultra­Large Scale Integration (ULSI) aumenta númeru ne'e to'o millaun iha chip ida nia laran. Ho kapasidade aumenta komponenti barak iha chip  ida nia laran atu sai chip ida ne'ebe mak ki'ik liu tan, bele haki’ik tan presu no tamaño komputador nian. Ho ida ne'e bele aumenta poder servisu, eficiensia no confiabilidade.

Chip Intel 4004 ne'ebe mak nia produsaun iha tinan 1971, lori progresu ba iha sirkuito integradu (IC : integrated circuit) ne'ebe mak tau komponenti hotu husi komputador nian (unidade central processamento nian (Central Processing Unit), memoria, dan kontrolador input/output) iha chip ida ne'ebe mak ki'ik tebes.

Antes ne'e, IC ema produz para atu halo servisu espesífiku liu. Maibe agora, bele produz mikroprosesor ida no halo programasaun para atu bele fo satisfeitu ba buat hotu ne'ebe mak ita hakarak. La kleur deit, ekipamentu uma-kain nian mak hanesan microwave oven, televisaun, no kareta ho electronic fuel injection halo ho mikroprosesor.

Ho dezenvolvimentu komputador hanesan ne'e, fo opurtunidade ba ema baibain mós atu bele uza komputador. Komputador laos deit ona atu uza iha kompaña bo'ot sira ka servisu fatin deit. Iha tinan 1970 nia klaran, montador komputador oferese komputador ba iha públiku. Komputador sira ne'e mak ita bolu dehan minikomputer, sira fa'an ho pakote software ne'ebe mak fasil ba ema ne'ebe mak foun ba uza komputador. Software  ne'ebe mak koñesidu iha tempo ne'eba mak programa word processing no spreadsheet. Iha inicio tinan 1980, jogo vídeo (Video game) mak hanesan Atari 2600, dada konsumidores sira nian atensaun ba iha komputador ne'ebe mak avansadu no bele halo programa.

Iha tinan 1981, IBM introdús maneira utiliza Personal Computer (PC) iha uma, servicu fatin no eskola. Númeru PC ne'ebe mak uza aumenta husi unidade millaun 2 iha tinan 1981 sae to'o unidade millaun 5.5 iha tinan 1982. Depois tinan sanulu, millaun 65 PC mak ema uza ona. Komputador kontinua ho nia evolusaun atu sai hanesan komputador ne'ebe mak ho tamaño ki'ik liu, husi komputador ida ne'ebe mak tau iha meja leten (desktop komputer) sai komputador ida ne'ebe mak bele tau iha pasta laran (laptop), iha mós komputador ne'ebe mak ita bele kaer ho liman (palmtop).

IBM kompete ho Apple Macintosh iha merkadu komputador nian. Apple Macintosh sai koñesidu tamba halo promosaun sistema gráfiku iha nia komputador, maibe nia kompetitor seluk sei uza komputador ho base texto. Apple Macintosh mós mak halo promosaun oinsa atu uza "laho"(mouse).

Karaterístika komputador iha jerasaun dahaat nian:

• Uza LSI, VLSI, ULSI.
• Uza mikroprosesor.